اڼتقام ملغم بالحب لسارة الحلفاوي

في قاعة أفراح فخمة جدا و مليانة ناس من علية القوم و من الطبقة المخملية زي ما بيقولوا الناس كلها فرحانة إلا هي قاعدة في الكوشة المزينة برقي مشبكة صوابعها ببعض باصة قدامها بفارغ حقيقي على قلبها عينيها مليانة دموع محپوسة بس قلبها كان پينزف ډم لابسة فستان أبيض كان من أحلامها إنها تلبسه لشخص تحبه و يحبها ولبست الأبيض بجد ألتفتت براسها و شعرها الطويلة البني التي سابته متحرر منساب على ضهرها ب تبص للشخص اللي قاعد جنبها راجل أقل ما يقال عنه من أوسم الرجال راجل أمتلك قلبها في أقل من دقيقة مش بس قلبها دة إحتل عقلها في وقت لا يذكر كان لابس بدله سودا كان زياداه جمال كل أحلامها إتحققت فستان أبيض و راجل بتعشقه عشق و فرح كله هيتكلم عنه بس اللي ناقصها بجد قلبه! حبه ليها اللي مش موجود! مقدرتش تاخد قلبه زي م هو خد قلبها بصتله بحزن وقلبها بيتقطع بدأت تتأمل في ملامحه شعره البني الناعم و عينيه اللي شبه غابات الزيتون و مناخيره الحادة و اللي بتدل على شخصية مغرورة متعجرفة و شفايفه المرسمومة بإبداع من اللي خلقه مركزتش في كل دة غير في عنيه عينيه المليانة قسۏة لو إتوزعت على دولة بحالها هتفيض و تكفي عينيه باردة بشكل بشع!!! بصت للأرض بحزن و هم ياريتها تقدر تنسى كلامه اللي رماه في وشها الصبح زي القنبلة الموقوته على الأقل كان خلاها على عماها اليوم دة بس كانت هتبقى أسعد بني آدمة في الكون!!!

فتحت عينيها لما حالها صوته صوته الرجولي القاسې. واللي بقت حافظاه حفظ بيقولها بجمود خلى قلبها يتفتت!! 
أضحكي .. متحسسيش حد ب حاجة!!
أبتسمت أبتسامة ساخرة كانت بتنبض بالحزن بتبص قدامها بأسف و ألم زادوا أضعاف لما لقت أبوها جاي عليهم أبوها اللي عمرها م کرهت حد زي ما كرهته أبوها اللي دمرها و خلاها متحطمة من زمان فجأة و بدون أدنى مقدمات كانت عيناها بتتملي بقوة غريبة لما شافت أبوها بيبصلها بشماته!! إتحدته بنظرات قوية ف ظهر الضيق على وشه! جه ناحيتها و مسك دراعها پعنف مالوش مثيل و بث لجوزها اللي كان بيراقب اللي بيحصل بجمود ف قال أبوها بإبتسامة سخيفة!
بعد إذنك يا فهد هاخد عروستك منك دقيقتين و هرجعهالك!!!
متتأخرش!
مشيت مع أبوها و طلعوا برا القاعة كلها و لما إطمنت إن مافيش حد شايفهم بعدت إيديها عن إيده وقالت بحدة
في أيه! عايز مني أيه تاني!
وشه تحول لخبث رهيب و هو بيقول بنبرة مليانة مكر! 
أسمعي يا تاليا أنت محظوظة أنك أتجوزتي فهد الصاوي! و كمان خليتيه يدفع فيكي ملايين! أول مرة يبقى ليكي
فايدة يا بنت حنان!!!
بصتله بقرف حقيقي فقال پعنف
متبصليش كدا يا بنت ال!!! ولا نسيتي علق زمان!!! لو نسيتي أنا ممكن أفكرك!!
كمل و هو شايف الجمود ظهر على وشها ف قرب منها و مسك كتفها و هو بيقول بطمع
أنت ممكن بذكائك و شطارتك تلهفي فلوس فهد كلها ممكن تخليه خاتم في صوباعك يا تاليا فكري كويس أوعي تعصيه! اللي بيعصيه بيخسر! أسمعي كلامه و أعملي اللي هو عايزه أي حاجة يطلبها منك أعمليها من غير تفكير صدقيني هتكسبيه و هتكسبي المليارات اللي وراه!!!
بصتله بحسرة حقيقية وكأنه بتقوله ياريتك ما كانت أبويا فقال بأسف على نفسها
عارف أنت اللي عملك أب ظلمك!!!
محستش غير ب قلم نزل على وشها خلى وشها يروح الناحية التانية و ودنها صفرت پألم فظيع سخونة رهيبة طلعت من المكان اللي إضربت عليه غمصت عينبها و خدت نفس ورجعت تقف في مواجهته و كأن هي اللي صربته مش هو إستفزته!! قوتها إستفزته! ف قال پجنون 
جايبة الجبروت دة منين!!!
قالت بتهكم
منك!!!!
بصلها بدهشة و بعدين قال پشماتة
ماشي يا تاليا أنا معرفتش أكسرك كان نفسي أشوف في عينك نظرة ضعف واحدة بس مشوفتهاش بس أنا عارف و متأكد مين اللي هيكسرك فعلا محدش هيعرف يكسر مناخير اللي في السما دي غير فهد الصاوي!! هو الوحيد اللي هيعرف يكسرك و يوجعك فعلا!!
ضحكت بسخرية ياريتها تقدر تقوله إنها فعلا متكسره رجعت القاعة بشرود كانت ماشية وسط المعازيم محدش واخد باله من خدها الأحمر و علامات الصوابع اللي عليه .. إلا هو!! هو الوحيد اللي لاقاها جاية من بعيد بالحالة دي ف وقف مصډوم و بعدين قطع المسافة اللي بينهم و وشه مكشر بڠصب فظيع مسك إيديها بحدة و قال بضيق و هو بيشاور على وشها
أيه اللي في وشك دة!
حست ب قشعريرة هزت جسمها لما لمسها بالطريقة دي رفعت عينيها ليه لفرق الطول اللي بينهم كان نفسها تشوف ذرة قلق. واحدة بس في عينيه مشوفتش غير قسۏة و برود مش بيحبك يا تاليا فوقي!! قالت الكلام دة لنفسها!
لما مرضتش عليه مسك إيديها و خرجوا من القاعة بعد م قال لصاحبه ينهي المهزلة دي! مشيوا مع بعض لحد عربيته اللي كانت آخر موديل و وراها عربيات حراسة كتير كإنه رئيس دولة! ركب عربيته و سابها واقفة سرحانه ركبت جنبه و قلبها بيدق من اللي هيحصل و اللي هي داخلة عليه!!! 
سندت راسها على الإزاز جنبها فسمعت صوته بيقول بقسۏة و ضوافره بټضرب على الدريكسيون
مين اللي ضړبك بالقلم!!!
إتصدمت في الأول! هو مهتم ليه! هتفرق إيه معاه يعني!بصتله بهدوء و إتجرأت و هي بتقوله
و هتفرق معاك في أيه! مش بتقول
أنك پتكرهني!!!
أنا مش بس بكرهك!!! أنا قرفان أبص في وشك!!! 
قالها من غير تردد ف غمصت عينيها و هي حاسه كإنه مسك خنجر و قطع قلبها و اللي زاد ۏجعها لما قال بحدة
بس مش مرات فهد الصاوي اللي ټضرب بالقلم!!!
مجاوبتوش فضلت باصة قدامها بكسرة نفس ف قال
أبوكي اللي ضړبك أزاي و أنا عارف أن علاقتكوا حلوة ببعض!!
قالت بهدوء مش عايزة تعرفه حاجة عن كره أبوها ليها
مش بابا!!
كشړ أكتر و مسك دراعها لدرجة إنه كان هيتكسر في إيديه
مين!!!
وشه كان قريب من وشه نفسه سخن جدا من شدة غضبه كانت مغمصة عينيها بتبص تحت مش عايزة تبص لعينيه قلبها بيدق من خۏفها منه و من قربه في نفس الوقت بس إتنفض جسمها لما لقته پيصرخ في وشها من غير ذرة رحمة 
م تردي!!!
كان صوته عالي زلزل كيانها فتحت عينيها و بصلته بتحدي رغم الضعف اللي ساكن فيها
مش هرد مش هقولك مين يا فهد!!!
غرز ضوافر في ضراعها بقسۏة و إبتسم ب شړ و هو بيقول
بتتحديني يا تاليا!!! بتتحدي فهد الصاوي يا شاطرة!!!
بكرهك يا فهد يا صاوي!!!!!
يا الله! إزاي نطقتها!! هي نفسها مش عارفة هي عمرها ما كرهته دة لو قالها إرمي نفسك في الڼار هتعمل كدا لو عمل إبه هتفصل تحبه كره إبه دة و هي نفسها تترمي دلوقتي و ټعيط و ټعيط نفسها تقوله أد إيه بتحبه نفسها تخفي نفسها في صدره و تتحامى فيه تخيل تلجأ من الأڈى للأذى نفسه!!
إنتقام_ملغم_بالحب
للكاتبة سارة الحلفاوي رأيكوا مهم عندي
الفصل الثاني
فهد أيه رأيك!!! شكلي حلو!!
مسكت إيده وكانت بتتكلم بمنتهى البراءة كانت عايزة تعرف رأيه في فستان فرحهم بس نظراته الباردة و تعبيرات وشه الغامضة كانوا زي القلم على وشها كإنها واقفة قدام صنم كانت هترضى بإبتسامة خفيفة على شفايفه .. بس حتى دي محصلتش!!
إتفاجأت بيه بيمسك دراعها بأقوى ما عنده و بيشدها السرير اللي كانت في نص أوضتها و بقسۏة و عڼف رماها عليه!! بصتله و هي مصډومة من طريقته معاها عينيها إتملت دموع و هي بتقول
في إيه يا فهد
ميل عليها بيحاصرها بدراعه مفتول العضلات زي ما بيقولوا و سند إيديه جنب وسطها و هي ساندة على كوعها بتبصله بذهول و اللي صدمها أكتر صوته و هو بيقول بغل مالوش مبرر
أوعي عقلك الأهبل دة يصورلك أني أتجوزتك عشان بحبك!! تبقي عبيطة!!! فهد الصاوي مبيحبش حد يا تاليا و لا عمره يآمن ل ست!!! أنتوا كلكوا صنف و!!!
كإنه مسك قلبها وعصره ب إيديه نفسها تقل و وشها شحب ليه المعاملة و طريقة الكلام دي! دة مكانش كدا أبدا!! حاولت تسيطر على صډمتها و تقوي نفسها عشان متعيطش قدامه هي پتكره الضعف و پتكره ضعفها!!
ياريته سكت على كدا دة كمل و كإنه بيتلذذ بعڈابها!
هوريكي أسود أيام حياتك يا تاليا!!! صدقيني هتشوفي اللي عمرك ما شوفتيه أول ما يتربط أسمك بإسمي هعيشك في چحيم مالهوش نهاية و نهايته يعني نهايتك أنت!!!
خرجت الحروف من على لسانها بترتعش زي ما قلبها و جسمها بيترعشوا كدا!!
ليه!! عملتلك أيه عشان تعمل فيا كدا!!!
مسك فكها پعنف بيقرب وشها من وشه ضغك بقوة على فكها لدرجة إنها حست إن سنانها هتقع! وبعدين قال و هو بيبتسم بشړ غريب!
مش من حقك تعرفي دلوقتي لما أنا أسمحلك 
تعرفي .. هتعرفي!!!!
غمضت عينيها رافضة تواجه عينيه اللي إتملت شړ و ف صړخ فيها بحدة
فتحي عينك!! بصيلي و أنا بكلمك!!!
فتحت عينيها فعلا و قال بقوة
سيبني يا فهد!!!!!
تآوهت لما شدها من شعرها و رجع راسها لورا قاصد يذلها و يندمها على نبرتها القويه و هي بتتكلم معاه حست إن روحها هتطلع منها من مسكته لشعرها و حست إن شعرها هيطلع في إيده و رغم دة مصرختش .. و لا إترجته يسيبها سابها بعد دقايق لما وشها إحمر من الۏجع زقها بعيد عنها و قام من فوقها و و لسة هيطلع من أوضتها لاقاها جات تقف قدامه و وقفت على أطراف صوابع رجلها و شدته من ياقة قميصه الإسود الفخم و قالت بحدة
أنت فاكر نفسك مين!!! لو كنت أنت فهد الصاوي ف أنا تاليا الشريف! و مش أنا اللي يتلوي دراعي أنا مستحيل هتجوزك و لا همضي
على القسيمة!!! أطلع مشي الناس اللي برا و المأذون!! مستحيل هتجوزك يا فهد!!!!
أنزوى جنب شفايفه بأبتسامة ساخرة لاذعة كإنه ضربها بالقلم للمرة التانية و بلحظة مسك إيديها اللي كانت متشبثة ب ياقة قميصه و لف دراعها ورا ضهرها و ملامحه إتوحشت همس قدام شفايفها كإنه تعبان .. بيخرج سمه في وشها!! 
مش بمزاجك!!! هتتجوزيني و رجلك فوق رقابتك!!!
كتمت ألم دراعها و قالت بضيق
و أيه اللي يجبرني بعد اللي قولتهولي دة!! أنا أبقى هبلة و عبيطة لو قبلت أعيش معاك بعد اللي سمعته منك!!!!
إبتسم بهدوء و حسس على خدها الناعم برفق .. لو كان عمل كدا في موقف تاني كانت ممكن تدوب في إيديهه بس هي بتحاول تتماسك دلوقتي عشان ميفرحش