رواية انت لي فقط بقلم سولييه نصار

السبب أنا كنت زعلان علي ايناس حب حياتي اللي ضاع مني 
كملت هاجر بلوم
انا كنت بحبك يا أحمد. .من أيام الكلية لما كنت بتجري ورا ايناس قلبي اتكسر لما ارتبطت بيها بس اتكسر اكتر لما هي خانتك وأتجوزت صاحبك كنت زيك وانا شايفة حزنك عليها شايفة انهيارك ورغم انه كان أكبر غلط مني اني اتدخل حياتك وأكون البديلة بس وافقت عليك وأتجوزتك واديتك كل حبي ولما ملقيتش مقابل قررت اتطلق منك ..قولت يمكن فرصة وتتمسك بيا بس انت ما صدقت لقيت الفرصة وطلقتني فخلاص سيبني في حالي يا أحمد .سيبني الأقي اللي بيحبني لو سمحت لاني عمري ما هرجعلكعمري !!
يتبع.
رواية انت لي فقط الحلقة الرابعة
طيب اديني فرصة لو حبتيني في يوم اديني فرصة أحاول عشان خاطري يا هاجر 
قولتها وأنا بترجاها بس هي كانت خلاص قفلت مني وعندها حق مقدرش الومهابس أنا بحبها بحبها اووي اكتر ما هي تتخيل 
هزت راسها وقالت
مستحيل مستحيل خلاص اللي بيننا انتهى يا أحمد ربنا يسعدك مع غيري ويسعدني مع غيرك !!
اتدخلت حماتي وقالت
سمعت يا حيلتها اهي البت مش عايزاك يالا بقا ورينا جمال خطوتك يا بيضة وروح من هنا هي أه صحيح متخطبتش بس قريب هتتخطب وتتجوز سيد سيدك!!يالا يا حبيبي روح 
بصيتلها فرجعت شوية وقالت 
ولا هتعمل ايه !وليه بتبصلي كده ..
قربت أنا منها وقولت
بصي بقا يا حماتي أنا بحب بنتك وهي مش هتتخطب لغيري ولا هتتجوز غيري هي هتتجوزني أنا وبس ..
وبعدين بصيت لهاجر
وقولت
وانا هعمل المستحيل عشان ترجعيلي يا هاجر وهتشوفي .
بصتلي هاجر ببرود فطلعت برا البيت 
كده برضه يا حاج تعملها فيا قطعت خلفي..
قولتها بغيظ وانا بدخل البيت ضحك ابويا وقعد جمبي وقال
لو مكنتش عملت كده مكنتش هتتحرك 
طيب ما أنا بحاول ..
بس مش كفاية يا بني أنت مش عندك اصراري بصراحة انت عارف امك الله يرحمها اتقدمتلها عشر مرات وكانت بترفض بس أنا صممت عليها لحد ما اتجوزتها عايز اقولك ان أمك لحد آخر يوم في حياتها كانت بتحبني 
صوت ابويا اترعش شوية وقال
وتوفت بين إيديا وهي بتقول انها بتحبني 
صلي على النبي يا حاجربنا يرحمها ..
قولتها بحزن وأنا بحضنه فبعد ومسح دموعه وقال
وعشان بحبها عمري ما فكرت أتجوز تاني خليك زيي يا أحمد مضيعش حبك من إيديك لأنك أنت اللي هتندم في الآخر فاهمني يا بني..
ابتسمت وهزيت راسي وانا بقرر أعمل المستحيل عشان ترجعلي
بالليل
جمعت أصحابي كلهم عشان نتفق .
ايه رأيك نخطفها !
قالها عمر وهو بياكل العنب اللي قدمتهوله 
اخدت منه العنب وقولت 
تصدق اني غلطان اني بطفحك عشان تطلعلي بالأفكار المتخلفة اللي زيك دي سيب العنب 
اتدخل توفيق وقال
أنا عندي حل أحسن أيه رايك 
بصتلهم پصدمة وقولت
يخربيتكم أنتوا متحضنتوش وأنتو وصغيرين ايه الافكار دي ..اسكتوا متفكروش أنا لقيت الحل خلاص 
تاني يوم 
طلعت هاجر
للتراس عشان تلاقيني راكب عربية نص نقل وماسك ميكرفون وأنا بقول
يا هاجر اتجوزيني يا أبلة هاجر أنا بحبك يا أبلة هاجر 
حطت هاجر ايديها على بوقها پصدمة 
حط عمر وتوفيق السلم عشان اطلع ليها وسط الناس واتقدملها وده لان البلكونة مش عالية أووي طلعت ليها وطلعت الخاتم من جيبي وقولت
لو مش عجبتك المحاولة دي مستعد احاول مية مرة المهم أكسبك تاني 
مقدرتش تمنع ابتسامتها ولسه هتتكلم السلم اتهز 
الحق يا واد يا توفيق السلم بيتهز..
أحيه أنا نسيت اقوله ان السلم شبه مكسور.
زعقت أنا والسلم بيقع بيا وقولت
شبه مكسور ده أنا هخلي وشك شبه منحرف اصبر يالهوي ياني يا أما 
تاني يوم في المستشفي
انا بقول نأجل كتب
الكتاب يا جماعة الرجل ايده مکسورة ورجله مکسورة ..اصبروا شوية 
قالها المأذون فأعترضت أنا جامد وقولت 
لا يا عم أنا كويس اكتب الكتاب بس
هز المأذون راسه وقال 
أمري لله ..
اتكتب كتابنا وقربت مني هاجر وهي مبتسمةابتسمت ليها وبعدين بصيت لحماتي وقولت
ايه ده يا حماتي لابسة احمر ده تقدم هايل..
ابتسمت حماتي وقالت
اهو يارب يطمر فيك ..والله يا أحمد لو زعلتها المرادي
ضحكت وقولت 
وعلي ايه يا ستي الطيب احسن هاجر في عيوني 
وبعد شوية طلع الكل من الأوضة وفضلت أنا وهاجر 
قالت هاجر 
بحبك 
وأنا كمان بحبك يا هاجر بحبك ااووي
أحيانا العبط بيسيطر علينا ونضيع حاجات جميلة من ايدينا بس الحمدلله على نعمة الفرص التانية 
تمت