ابن ليل لأميرة أسامة
عليا انا
بكر ربنا ما يجيب مشاكل يا عبدالله ولو على النكد اللي اختي هتنكده عليك تبقى جدعه بنت ابوها بصحيح انت تستاهل اۏسخ من كده يا عبدالله
عبدالله انت شايف كده يا ابو نسب
بكر اه وريح بقى شويه واعمل حسابك الدكان بتاع المعلم رفاعي
عبدالله بقى كده طيب هنشوف يا اخويا
ركب بكر عربيته وسابه ومشي
على الكورنيش
محمد ما انا قولتلك حسن عايزنا وقال نستناه هنا بلاش رغي بقى
هيما وهو فين سي زفت ده
احمد اهو جاي بيتدنجل هناك اهو
محمد دقيقه كمان وكنا هنمشوا يا حسن
حسن الله على ما عرفت اخلع من جدي ايه الاخبار
هيما الاخبار عندك في ايه
حسن انا جاي نشهدك يا هيما على محمد واحمد
هيما خير هببت ايه منك ليه
حسن ياض انت وهو مبيتبلش في بوئكم فوله بقى ملاقيتوش غير مها وتروحوا تقولوا قدامها اني مرتبط بسماح
هيما بضحك اوباااا يبقى امك شغلت الشبشب على دماغك
حسن لولا ستي كانت بره كانت عملتها ومسمتش عليا
محمد استنى بس يا هيما مين قالك ياض اننا قولنالها تلاقيها بتوقعك يا اهبل بقى بزمتك احنا هنروح نقول لمها واحنا عارفين انها ما هتصدق وهتجري على امك عشان ټحرق ډمها
محمد طب و دين محمد ما حصل انت عارف احنا مبنتكلمش مع مها في اي حاجه تخصنا
هيما بضحك اسمعوا مني مها اختي وانا عارفها اكيد كانت بتلمع اوكر عليكم وسمعتكم
احمد وانا بنأكد كلام هيما هي مش امي بس اه بتلمع اوكر علينا طول الوقت واكيد سمعتني انا ومحمد
هيما سوووونه لا مظنش دي تلاقيها
ما صدقت
حسن لا يا اخويا سونه مش بتطيقني
احمد ومش هتطيقك ليه انت دوستلها على طرف
حسن لله في لله انا مجتش يمتها بس انت عارف سونه من زمان واخده صف عيله الرفاعي لجل عيون كيرو فا اكيد لا هتطيقني ولا هتطيق حد من عيلتي
حسن اديك قولتها مصاحبه سونه كيد في اختك يا هيما بس لما هتيجي تفكر في الموضوع هاتقولك ابني ميتجوزش بنت سونه وهتقلب عليها
احمد انا مع حسن في الحته دي عمتي مش هتوافق
هيما بنقولك ايه لو عايز البت بجد محدش هيقدر يقف قدامك خلصانه
هيما كان غيرك اشطر يا اخويا ادام حبيت يبقى تجهز روحك للعركه الكبيره ياض هو في واحد بيحب والدنيا بتمشي سالكه ليهم ما على يدك أشهر قصه حب فيكي يا بحري إنتهت بعداوه بقالها عشرين سنه وكلنا دخلنا الدايره ومش عارفين نطلعوا منها
حسن يا شيخ داهيه تسد نفسك انت عايزني اقعد عشرين سنه
محمد لا انت ممكن تاخدلك بتاع عشر سنين
احمد وانا هنعمل مجهود ونقلل المدة لخمس سنين
حسن بضحك طب وعشان
خاطري مش ناوي تساهم يا هيما
هيما بلاش انا احسن لو اتدخلت الاقي سونه قافشه فيا و بتجوزني سماح عشان توصل لكيرو
حسن منكم لله عقدتوني في الحب والجواز كان هيحصل ايه بس يارب لو كنت طلعت من عيله تانيه لا ليها دعوه بعلية الجمال ولا ليها دعوه بعيلة الرفاعي
احمد ابدا بردوا مكنتش هتطول سماح ياولا دي دايره وبتصب في العيلتين دول وبس
حسن على قولك والله ادينا قاعدين مستنين قدرنا اما نشوف العيلتين دول هيودونا لحد فين
هيما المورستاااااان
رجع حسن واتصل على سماح قبل ما يطلع
حسن الووو
سماح ايوه يا حسن
حسن بنقولك ايه حصل حوار كده وحبيت نعرفك امي وامك عرفوا من مها اننا في بينا حاجه
سماح عرفت وامي كانت مستنياني على الباب وفي ايدها ابو ورده ولمحتني وانا راجعه وانت ورايا وقولتلها اني بنحبك
حسن بضحك اتروقتي بأبو ورده
سماح انت شمتان فيا يا حسن
حسن يابت بنضحك معاكي عموما انا كمان قولت لدعاء اني بنحبك
سماح ورفضت طبعا
حسن يابت لو الدنيا كلها رفضت انا بنحبك ومش هنسيبك المهم امك قالت حاجه
سماح اهي قعدت تزعق شويه بس امي مش فارق معاها غير انها تكيد ابله مها انت عارف
حسن طيب فكك بقى من الحوارات دي كلها ويضربوا دماغهم في اتخن حيطه ومش عايزك ټعيطي يابت مفهوم
سماح بإبتسامه ماشي يا حسن انت فين
حسن انا تحت البيت وطالع شويه ونكلمك لما ندخل اوضتي
سماح ماشي مستنياك سلام
حسن سلام
عدى كام يوم وجه معاد المزاد الكل كان متأهب وعامل ألف حساب للي ممكن يحصل بين عيلة الرفاعي وبين عيلة الجمال
بدأ الجميع وكل اللي مشارك في المزاد حتى لو مشاركه شكليه يوصل على المزاد كان بعد العصر تقريبا
وصل الكل دخل زكريا الجمال وعبدالله ابنه وحسن حفيده طبعا مجبر او بمعنى أصح مش فارق معاه هو والشباب من زمان مخرجين نفسهم من المشاكل دي كلها لانهم بيحبوا بعض وفي نفس الوقت محدش يعرف علاقتهم القويه ببعض
بعد وقت بسيط وصل رفاعي وكرم وهيما ومحمد واحمد وبكر
دخل رفاعي بكل هيبه وخاصتا كرم اللي كان داخل راسم على وشه ابتسامه نصر وضامن إن المزاد هيرسي عليه و مستعد لأي صدام هيحصل
اول ما دخلوا بص زكريا وعبدالله عليهم
ابتسم رفاعي بكل غرور وراح قعد قدام في اول صف كان المكان مقسوم نصين
نص قاعد فيه عيلة الرفاعي ونص قاعد فيه عيلة الجمال
بسم الله نبدأ المزاد ب 500 الف جني
زكريا 505 ألف جني
المعلم زكريا 505 الف
رفاعي 510 الف جني
المعلم رفاعي 510
زكريا 515
المعلم زكريا الجمال 515
شخص اخر 517
المعلم حسنين 517
رفاعي بص لكرم يكمل هو
كرم بابتسامه 530 الف جني
المعلم كرم الرفاعي 530 الف جني
عبدالله پغضب قام وقف 540الف جني
ابتسم كرم ابتسامه سخريه وتقليل لعبدالله وبص قدامه 600 الف جني
المعلم كرم الرفاعي 600 الف
هز زكريا راسه لعبدالله
عبدالله 620 الف جني
بص حسن للشباب وهو بيحرك شفايفيه شمال ويمين بمعنى هتولع
ابتسم الشباب وكتموا ضحكهم
المعلم عبدالله الجمال 620 الف
المعلم حسنين 630 الف
المعلم حسنين 630 الف
كرم 700الف جني
فضلوا يزايدوا على بعض وبدأ المزاد يسخن بينهم والاعصاب تتشد كرم وعبدالله بيعاندوا في بعض وزكريا ورفاعي بيولعوها اكتر و كل واحد فيهم حالف ما يخرج من المزاد إلا والمحل بتاعه
عبدالله مليووووون
المعلم عبدالله الجمال مليون جني مين يزود دام الصمت ثواني ابتسم عبدالله ابتسامه نصر لما شاف كرم ساكت وباصصله
كرم مليون و الف
المعلم كرم الرفاعي مليون و الف
في الوقت ده دعاء كانت بتتصل على عبدالله وهو مش بيرد مركز في المزاد اتصلت بسرعه على حسن
حسن بصوت واطي ايوه يا اما مش قولتلك متتصليش الوقت عشان احنا في مزاد والدنيا والعه بسن ابويا وكرم
دعاء بصړيخ الحقني يا حسن ستك واقعه من طولها وقاطعه النفس وابوك مش بيرد
حسن بلهفه وصوت مسموع قام وقف اييييييه ستي
بصله عبدالله وزكريا بفزع وقام بسرعه زكريا وقف
عبدالله في ايه يا ولا
حسن بصوت واطي نسبيا لكن مسموع امي بتقول ان ستي قاطعه النفس
زكريا ايييييه
لف زكريا الجلباب بتاعه على ايده وخرج جري من المزاد ووراه عبدالله وحسن
وقف كرم مصډوم حس ان قلبه اتحرك من مكانه وخاف علي نبيله بس كان لازم يفضل واقف عشان مينفعش ينسحب من المزاد
المعلم كرم الرفاعي مليون و الف حد هيزود آلا أونا آلا دو آلا تري
مبروك يا معلم رفاعي مبروك يا معلم كرم
وقف رفاعي بنصر وحضن كرم اللي كان دماغه مع نبيله
قرب من بكر وهمس جنب
ودنه
كرم تتصل بدعاء أختك وتعرفلي ايه اللي حاصل لنبيله
بكر اطمن هنكلمها حالا ونطمنك خلص انت الورق مع الحاج لحد ما نشوفها
الكل بارك لرفاعي ولكرم وبدأوا يخلصوا الإجراءات كلها
في منزل زكريا الجمال
زكريا كده بردو يا نبيله توقعي قلبي عليكي
نبيله بتعب أطمن يا زكريا انا بخير
عبدالله ايه اللي حصلها يا دعاء
دعاء منعرفش قالتلي أعمليلي فنجان قهوه عشان مصدعه دخلت نعملها لقتها بتنادي عليا وبتقولي الحقيني يا دعاء
جريت عليها لقتها مرميه على الكنبه ومبتردش قاطعه النفس كلمتك مكنتش بترد اتصلت بحسن على طول
زكريا ابعت هات الحكيم يا عبدالله بسرعه
نبيله لا استنى حكيم ايه انا بخير ياولا شكل ضغطي كان عالي شويه
زكريا حتى لو بخير نطمنوا عليكي بردوا
نبيله صدقني انا كويسه يا زكريا دوخه بسيطه وراحت لحالها
حسن ياستي طيب عشان نطمن عليكي
نبيله ياولا متوجعش قلبي انت عارف اني مبنحبش التعب والدكاتره المهم طمني يا زكريا عملت ايه في المزاد
زكريا مزاد ايه بس المهم صحتك يا ست الستات
عبدالله لما حسن قالنا خدنا بعضنا وجرينا عليكي وسيبنا المزاد
نبيله يقطعني يعني انا السبب
زكريا كله يهون لجل عيونك يا ست الكل يغور المزاد المهم انك بخير
نبيله بإبتسامه ربنا ما يحرمني منك يا زكريا
سمعوا تحت صوت عالي وزغاريط بص عبدالله و زكريا لبعض فهموا ان رفاعي وكرم رجعوا والناس بتحتفل بيهم
عبدالله بغيظ اللي مايتسموا وصلوا المزاد رسي عليهم
نبيله حقك عليا يا عبدالله انا السبب
عبدالله متقوليش كده يا ست الكل تحت رجلك أي حاجه في الدنيا انتي عارفه ان الدكان ولا يهمنا بس كنت عايز ننكد على كرم وابوه مش اكتر
زكريا يالله خد الشړ وراح يشبعوا بيه وخيرها في غيرها المهم ان نبيله كويسه
نبيله كويسه الحمد لله يا حبيبي قوموا يلا شوفوا الدكان تحت متسيبوش شغلكم انا بقيت كويسه
عبدالله لا بلاش خلينا الوقت احسن رفاعي وكرم هيحفلوا علينا للصبح
زكريا وانت عايزنا نفضلوا مستخبين هنا عشان يقولوا اننا خايفين نحط عنينا في عينهم لا طبعا لازم ننزل ونعرفهم انه مش هاممنا وسيبناه بمزاجنا ونهني ونبارك كمان
نبيله ابوك عنده حق يا ولا انزلوا يلا
عبدالله ماشي ياما يلا يا معلم
في الشارع تحت كان الناس ملمومه على رفاعي وكرم الكل بيبارك ليهم
والستات بتجامل وبتزغرط من الشبابيك
كرم بكر بنقولك دولا ملهمش آثر لايكون بلبله جرالها حاجه
بكر الولا محمد كلم حسن وقاله انها فاقت وقولتلك اني كلمت دعاء ردت عليا في الخباثه وقالتلي انها بقت كويسه وضغطها كان شكله عالي تلاقيهم مش عايزين يحطوا عينهم في عينا
كرم يعني فاقت الحمد لله أكيد
بكر ياجدع بنقولك فاقت أطمن بقى و أفرح بالدكان اللي رسي عليك
كرم فرحتي بيه راحت لما اټفزعت عليها يابكر
بكر لا يا سيدي هي بخير أفرح شويه من نفسك بقى
سونه مبروك يا سيد المعلمين مبروك يا معلم رفاعي لولوليييييي
رفاعي بإبتسامه فخر الله يبارك فيكي يا سونه
مها من البلكونه شوف المره اللي مش سالكه بربع جني قال مبروك يا سيد المعلمين قال
نجوى انتي بتكلمي نفسك يا بنت المخبوله
مها لا بنكلم اللي تنشك في لسانها هاين عليا نروح نحدفها من بلكونتها
نجوى يابت انتي على طول بتشاكلي في دبان وشك كده سيبك منها الوقت وخلينا نفرح بالدكان زمان رفاعي وابنه هيشيطوا
مها احسن عقبال ما يولعوا في روحهم كانوا فاكرين انهم هياخدوا المزاد قال
نزل في الوقت
ده زكريا وعبدالله وحسن
نجوى أهم ظهروا شكلهم كانوا مستخبين
مها ما طبعا لازم يستخبوا هما ليهم عين
رفاعي ابتسم اول ما شاف زكريا نازل
