رواية بصائر تغشاها الثرى بقلم ډفنا عمر
اي مكان..انا نفسي ابسطها معايا.. انت عارف انها صاحبتي الوحيدة من زمان.
فرك عيناه قليلا ثم نظر لها وهي تترقب رده بلهفة ليبتسم وهو يضم كتفها لصدره حاضر يا حبيبتي مادام دي حاجة هتخليكي مبسوطة بس يارب الاقي اصلا غرفة ليها في نفس الفندق أنتي عارفة الناس بتحجز من بدري.
هتلاقي انا متأكدة.
قالتها بفرحة ليضمها وهو يعود ويستلقي براحة.
أحكمت عليه الفراش واندست جواره تقول.
نوم الهنا يا حبيبي.. تصبح على خير.
أكتفى بربتة حانية فوق ظهرها وسرعان ما غط في نومه.
تأففت بضجر وهي تصيح على والدتها.
يا ماما فيها ايه لو طلعنا مصيف مع ضحى صاحبتي..دي اول مرة اطلع فيها.
قالت وهي تواصل طي الملابس المجففة.
أنا معايا قرشين محوشاهم من شغلي ونفسي اصيف ولو مرة واحدة في حياتي.. عشان خاطري يا ماما وافقي بلاش تصغريني مع صاحبتي اللي كلمت جوزها مخصوص عشان خاطري.
يا بنتي خلي القرشين ينفعوا في حاجة تشتريها لجهازك.
تنهدت بقلة حيلة لتمنحها أخيرا موافقتها وان كانت لا تريد الذهاب.
طنط جيجي
قالتها الصغيرة وهي تشير حيث توقفت سيارة الأجرة وهبطت منها جيجي مع والدتها..أسرع ريان يرحب بهما ويحمل حقائبهما ويسكنها بسيارته..ولم يمضى الكثير حتى انطلق في طريقه لتلك المحافظة الساحلية لتبدأ رحلتهم الشيقة.
قالتها ضحى بحماس بعد وصولهم الفندق وصعودهم لتفقد الغرف لتجيب السيدة وهي تمشط الغرفة
جميلة يا بنتي وهواها بحري ويشرح القلب.
بينما وقفت جيجي بالشرفة فاردة ذراعيها
أخيرا طلعت مصيف وشميت ريحة البحر عن قرب.
ضحكت ضحى مقتربة منها
أدعي لريان جوزي واحد صاحبه شغال هنا في الفندق وخدمه في حجز غرفة جنبنا عشان نبقا جيران لمدة أسبوع.
ان شاء الله تكون رحلة سعيدة عليكم يا ولاد.
قالتها والدة جيجي التي تراقبهم برضا لتهتف ضحى باحترام
والله يا طنط أحلى حاجة ان حضرتك معانا.
ثم نظرت لرفيقتها وقالت وهي تعطيها حقيبة كرتونية
بقولك ايه يا جيجي انا جبتلك حاجة هتحتاجيها هنا.
مايوه شرعي!
اتنين مش واحد.. وتر بروف للمحجبات.
عانقتها جيجي ممتنة بجد شكرا يا ضحى انا بصراحة كنت هشتري بس لقيت النوع ده غالي اوي فقلت اقضيها لبس خروج عادي لان اصلا مش هنزل البحر انتي عارفة مبعرفش اعوم لان اصلا اول مرة أصيف.
لا بعد كده هتصيفي كل سنة معانا.. والمايوهات دي عندي منها كتير لان كل مصيف بشتري جديد.. وانا وانتي نفس المقاس وقلت هينفعوكي.
ربنا يخليكي ليا يا ضحى وميحرمنيش منك.
ولا منك حبيبتي.. يلا اسيبكم ترتاحوا شوية وهتصل عليكي قبل ما ننزل.
طيبة وبتحبك اوي صاحبتك دي يا جيجي.
هكذا عقبت والدتها بعد مغادرة رفيقتها لتستطرد وهي توصيها حافظي على صداقتكم يا بنتي مبقاش حد في الزمن ده يحب حد من غير مصلحة.
ما انتي عارفة يا ماما بحب ضحى ازاي دي صاحبتي الوحيدة من أيام الجامعة.
ثم استعرضت إحدى أطقم البحر بين يديها وقالت
تعرفي يا ماما المايوه من دول بكام دلوقت النوع ده غالي جدا .
حافظي عليهم
